卡達菲遺物有利記杯

猪拉多纳

26/10/2011


前利比亞前領導人卡達菲早前被擊斃，一隻利物浦水杯陪伴佢度過最後日子！英國《每日郵報》喺佢死後刊登其中一堆遺物，當中包括一隻印有紅軍會徽嘅水杯。卡達菲一直熱衷足球，並好欣賞利物浦，生前曾欲對紅軍注資。




九年前，卡達菲就透過兒子薩阿迪表示想對利物浦作出投資，薩阿迪話過其父係紅軍擁躉。事實上，卡達菲多次到晏菲路睇紅軍比賽，亦曾力邀愛隊到利比亞打友誼賽，但最終都搞唔成。


紅軍割價放棄卡路爾


另外，紅軍已對射手安祖卡路爾失去耐性，希望割價將佢賣番畀紐卡素。有傳利物浦對紐卡素兩名後衞賴恩泰萊同高洛仙尼有興趣，佢哋希望「喜鵲」出2,500萬鎊再加該兩名守將回購卡路爾。