波圖破費讓球勝醒你

猪拉多纳

28/10/2011
文： 巨高

衞冕葡超嘅波圖，今輪聯賽將主場對費利拿。現時波圖與賓菲加同得二十分，稍有不慎隨時畀賓菲加過頭，故今場比賽絕不能有失。波圖今季主場演出夠穩定，相信要淨勝費利拿兩球或以上非難事，巨高捧「讓球主勝」之餘，揀埋波圖勝三比○波膽。




（周六凌晨３時15分開賽）




波圖今季主場未輸過，單計葡超的話就仲堅，除對住死敵賓菲加打和之外，其餘三場都以兩球或以上差距擊敗對手，可見波圖對住弱勢球隊唔會留手，今場鬥下游球隊費利拿當然唔例外。費利拿今季客場表現特別差，面對波圖難有運行，留意到上季聯賽兩循環，波圖前鋒侯克都能攻破費利拿大門，呢位巴西外援擺明剋死對手，今場波圖靠佢食胡。


費利拿未夠料撼Big3


費利拿近兩場連捷，表現睇落似係回勇，但要留意兩場都係主場，今次作客未必會咁生猛，加上其中一場係葡萄牙盃，對手查維斯實力太弱，費利拿贏波賽績欠參考價值。另外費利拿今季鬥「Big3」球隊士砵亭及賓菲加均告落敗，擺到明實力差一截，今場對住冠軍球隊波圖當然唔睇好，以大比數落敗唔出奇。