NAC主W做膽有得芬

猪拉多纳

28/10/2011
文： ComboKing

周六凌晨有多場賽事進行，阿King就揀咗場荷甲NAC主場對芬洛做過關膽。芬洛季初成績極差，要去到上輪聯賽先解除不勝魔咒，擊敗華域克取得今季首勝，但其實贏波都係靠主場「食胡」，去番作客好可能打回原形，所以阿King認為主W非常穩陣。




（周六凌晨2時開賽）




芬洛今季嘅作客戰績可以用恐怖嚟形容，4戰全敗之餘，更合共失咗14球，平均每場失3球以上，作客完全唔掂。其實芬洛唔識作客已非一朝一夕嘅事，佢哋上季就曾經一季內做過一次作客7連敗同8連敗嘅走勢，咁有保證冇理由唔撐對家，主W熱熱哋啱晒做過關膽。


伊斯特尼斯開大專家


另外兩關就睇中法乙賽事，先講伊斯特尼斯對勒哈弗爾，主隊伊斯特尼斯係法乙少數嘅「大盤部隊」，近6場都開入球大，入得又失得！此外兩軍近3次對賽亦開2次大，個人認為今場可向大盤埋手。




至於另一場甘岡主場對昂熱，由於兩軍實力相近，估計戰情會幾緊湊，而兩軍近期都好旺細盤，尤其主隊近6場就有5場開細，建議今場追捧細盤。