球證瞄到實 車仔有顧忌

猪拉多纳

29/10/2011
文： 江忠德

車路士呢排麻煩多多，搞到領隊保亞斯頭都大埋，唔多唔少都影響比賽情緒，佢哋近期畀球證吼到實，即使喺主場出賽都冇優勢，球員踢起上嚟綁手綁腳，近況回勇嘅阿仙奴今晚去到史丹福橋球場隨時博到大霧！




呢期得到球證「特別照顧」，成班「藍戰士」頻頻攞紅牌，軍心已經唔多好，中堅泰利又忙於對安頓費迪南嘅種族歧視一事作出解畫；而保帥插球證又搞出個大頭佛，喺咁多負面因素加埋，車路士踢呢場大戰有好多顧忌。




昆士柏踢出隊形唔怕熱刺




「兵工廠」近8場贏咗7場信心返晒嚟，依家用謝雲奴、禾確特同尹佩斯嘅輪流兩邊發難戰術效果幾好，拉開對手防線多咗入波機會。何況車路士呢季條防線唔穩陣，連對3支升班球隊都失守，今場肯定備受考驗！




至於禮拜日就不妨留意吓昆士柏流浪，有條大水喉射住嘅昆士柏，論人腳、質素雖只屬中型班，但夾咗一排之後，近期已逐漸踢出隊形，加上上周爆冷贏「藍戰士」後軍心大振，作客熱刺必有一番激戰，未必輸梗架！




車路士呢排麻煩多多，搞到領隊保亞斯頭都大埋，唔多唔少都影響比賽情緒，佢哋近期畀球證吼到實，即使喺主場出賽都冇優勢，球員踢起上嚟綁手綁腳，近況回勇嘅阿仙奴今晚去到史丹福橋球場隨時博到大霧！

呢期得到球證「特別照顧」，成班「藍戰士」頻頻攞紅牌，軍心已經唔多好，中堅泰利又忙於對安頓費迪南嘅種族歧視一事作出解畫；而保帥插球證又搞出個大頭佛，喺咁多負面因素加埋，車路士踢呢場大戰有好多顧忌。

昆士柏踢出隊形唔怕熱刺

「兵工廠」近8場贏咗7場信心返晒嚟，依家用謝雲奴、禾確特同尹佩斯嘅輪流兩邊發難戰術效果幾好，拉開對手防線多咗入波機會。何況車路士呢季條防線唔穩陣，連對3支升班球隊都失守，今場肯定備受考驗！

至於禮拜日就不妨留意吓昆士柏流浪，有條大水喉射住嘅昆士柏，論人腳、質素雖只屬中型班，但夾咗一排之後，近期已逐漸踢出隊形，加上上周爆冷贏「藍戰士」後軍心大振，作客熱刺必有一番激戰，未必輸梗o架！