曼城封王要過三關

猪拉多纳

30/10/2011
文： 黃興桂

曼城於曼徹斯特打吡戰蹂躪曼聯六比一，唔少球迷都認為曼城有機會推翻紅魔鬼王朝。Peter承認曼城於這場關鍵大戰的確贏得好精彩，佢哋目前比其他隊伍優勝嘅地方係板櫈深度夠，而且仲可以喺一月份繼續增兵，兵力隨時更強大，最重要係球會已經好耐未威過，球員飢渴感充足，爭勝決心有保證。不過聯賽係長途戰，依家賽事只係過咗四分一，曼城能否笑到最後仲係言之尚早。




個人認為曼城如想封王，主要有三個問題要面對，第一係領隊文仙尼領軍功力，領隊每一個調動、戰術變化都對比賽都好重要，只要行錯一步隨時萬劫不復。第二係中場大衞施華能否一直保持高水準，呢名西班牙國腳上場已經用行動證明佢對球隊重要性，如果佢受傷，球隊創造力肯定受影響。第三就係爭標對手心理質素，曼聯、車路士上至領隊下至球員個個身經百戰，除非佢哋自毀長城，否則曼城要在佢哋手上搶走聯賽錦標絕對唔容易。


山度士成港精神大使


日前Peter出席山度士成為香港精神大使慶功宴，除一眾球壇名宿外，不少娛樂圈中人、政壇人士都有應邀出席，場面好不熱鬧。其實只要對足球有熱誠，做事有恒心，就算沒有X府、足總資助，一樣可以做出好成績，今次山度士就係獲得肯定嘅好例子，期望日後會有更多出色人士獲社會表揚。


黃興桂


獨一無二「金句王」，現職有線足球評述員，擁躉眾多。見多識廣、笑看人生，我行我素畀波風格，喺省港澳極受歡迎。


金句


曼市藍天勝紅魔？十月總結嫌過早！