杜伊斯堡門將教練靠唔住

猪拉多纳

30/10/2011
文： Combo King

足球教練難撈，德乙又有主帥被炒，今次輪到杜伊斯堡教練米蘭蘇錫慘食無情雞。阿King認為球隊成績差，未必完全關教練事，好大程度上係全隊都出現問題，而且杜軍今仗只係由守門員教練雷克暫時領軍，更難期望可令球隊即時翻生，杜伊斯堡今晚主場讓唔起1860慕尼黑，「讓球客勝」可作過關穩選。




（周日晚8時30分開賽）




米蘭蘇錫執教咗杜伊斯堡兩年，之前成績唔差，但今季急插水，上周中更喺德國盃被第四級別球隊基爾淘汰，真係衰到貼地。其實杜軍成績差主因係人腳變動太大，唔可以完全怪晒米蘭蘇錫。事實上，換帥唔一定可以改善成績，更何況杜伊斯堡今場只係由守門員教練雷克頂檔，相信無力反彈，更加冇本錢讓波。


1860往績秤先


至於1860慕尼黑雖然近況亦唔好，但佢哋過去兩季四次同杜伊斯堡交手，取得兩勝一和一負，心理上有優勢，可望趁對手處於低潮，成功搶分。




另外，兩支德乙前列強隊分途出擊，不敗之師杜塞爾多夫攻力強勁，近七場賽事有六場淨贏兩球或以上，作客要贏FSV法蘭克福，並冇難度。另一支不敗球隊法蘭克福作客包尾嘅恩高斯達特，有權大勝，直取「讓球客勝」。