老少鐵三角 撐起青蛙

猪拉多纳

30/10/2011


「青蛙」都可以變王子！利雲特嘅異軍突起，講到底要靠一個由老將少帥組成嘅神奇鐵三角。46歲主帥桑馬天尼斯今夏由路爾斯加西亞手中接過帥印，之前僅曾喺西班牙低組別聯賽打滾教波嘅佢，成功團結軍心，貫徹執行簡單嘅穩守突擊戰術，締造奇迹。




仲有，36歲老隊長巴里斯迪路斯，外號為「啤酒桶」嘅佢，過往常被批評轉身緩慢，但喺利雲特嘅防守體系入面，正面對抗能力突出嘅迪路斯，正正係呢條穩健防線嘅指揮官。至於首席射手桑盧，開季9戰入5球，呢個數據只係比起佢之前78場比賽累積少1球，桑盧話過，佢依家最大希望就係同巴里斯迪路斯一齊入選西班牙國家隊，爭取認同。