札幌搞萬聖節P嚇走熊本

猪拉多纳

30/10/2011
文： 九叔



札幌岡薩多Vs熊本羅亞素


聽日就係萬聖節，札幌岡薩多今日响主場迎戰熊本羅亞素，都搞咗個「Halloween Day」嘅活動，希望整旺個場開W，保持住個日乙三甲席位升上日職，1.65倍主勝抵博！




（開賽時間：周日中午12:00）




今場波喺厚別公園競技場踢，足智彩似乎當咗係中立場，其實札幌有4個主場輪流用，厚別係佢哋正式嘅主場，使用率高過札幌Dome、室蘭同函館o架，所以咪當佢哋冇主場之利呀。




目前札幌以56分排日乙第3，畀德島漩渦、千葉市原逼得好緊，失親分好易升班席位不保。為咗吸引多啲Fans入場打氣，札幌今日搞咗個「萬聖節日」，鼓勵班大小球迷扮鬼扮馬入場，仲派出隻貓頭鷹吉祥物多利派禮物，呢場波佢哋嘅人氣一定好勁。


熊本兩將停賽作客曳


當然，對手熊本唔曳，排第9嘅佢哋响數字上仲有升班機會，問題係後衞崔成真、中場彭拿法比奧今日一齊停賽，陣容唔係咁完整，而且呢班波最大嘅弱點係作客唔掂，客勝率只得25個巴仙，屬於岡山綠雉、水戶蜀葵嗰隻級數。雖然札幌未必炒到佢哋，但係開個齋W就好穩陣嘞。