學生隊上盤機「會」高

猪拉多纳

31/10/2011
文： 力奇

聽朝阿甲壓軸戲由學生隊主場迎戰不敗之師競賽會，主隊今季表現大跌Watt排緊聯賽榜尾2，但足智彩都夠膽開主讓平半，鬼盤味好濃。再考慮埋學生隊今仗會有中場核心華朗復出振奮軍心同增強實力，呢個2倍「上盤」捧得過o架！（開賽時間：周二早上6:05）


競賽會對賽往績輸蝕


力奇最鍾意捉鬼盤，競賽會今季聯賽仲未輸過波都可以受讓，唔係有鬼係乜？雖然力奇都唔信一個華朗可以徹底扭轉形勢，但再睇埋競賽會開季12戰僅失4球，係全阿甲次佳，除非係莊家派錢益街坊，否則下盤真係筍過龍。




學生隊今季12戰僅贏2場，球員信心真係唔多掂，華朗嘅復出明顯係提升心理多於一切。當然，佢哋都唔係毫無可取嘅，如果計埋南球盃，佢哋主場近4戰係攞3勝1負，算唔錯o架！仲有佢哋近5次主場對競賽會，係贏咗4場和1場，有啲格食格味道，反彈贏波唔出奇吖！