韋斯咸再下一「城」

猪拉多纳

01/11/2011
文： 查理阿蛋

韋斯咸自英超降班後，整體陣容變化唔大，既有路蘭來投填補柏加嘅空缺，新加盟射手森巴鐸克表現亦超乎預期，「錘仔幫」來季升班絕對係最低要求。今次主場鬥榜尾嘅布里斯托城，1.93倍「讓球主勝」又點可以唔捧？（開賽時間：周三凌晨3:45）


布里斯托城剛終止11場不勝


由英甲米爾頓凱恩斯加盟嘅森巴鐸克，今季轉會前幫舊東家上陣4次就斬獲6球。雖然個數字幾靚仔，但係因為英甲同英冠水平始終有一段距離，一眾球迷都唔敢對佢抱太大期望。不過自從國腳級射手卡頓高爾受傷，擔大旗嘅森巴鐸克似乎比前者更適合踢英冠，上仗對李斯特城更攻入致勝球，今鋪主場出擊，呢位「細Sam」絕對有力再領軍贏波。




雖然「細Sam」呢期腳風好順，但查實韋斯咸已經連續3次於周中快車贏唔到波，不過教頭「大Sam」艾拿戴斯就話好有決心今場可以破解呢個「魔咒」！咁又係，對家布里斯托城上場對班士利，都要靠補時入球，先勉強終止11場不勝走勢，「錘仔幫」唔拎佢哋開刀又搵邊隊？