畢爾包夠皮無謂通薩

猪拉多纳

03/11/2011
文： 法比加輝

F組奧地利薩爾斯堡主場對西班牙畢爾包，客軍近況的確不俗，連續八場未輸過，不過畢爾包作客得勝率始終唔高，加上佢哋在F組已手執七分，今場在作客環境下和波都收貨，加輝建議捧主場受讓嘅薩爾斯堡。（周五凌晨2時開賽）


薩爾斯堡近10主場不敗


經歷季初一輪低潮後，畢爾包近期已撥雲見日，連續八場保持不敗，教練比爾沙亦陸續獲得球會及球員信任。雖然如此，但畢爾包作客讓波嘅話，加輝一定唔沾手，事關畢軍作客得勝率一向唔高，近九場作客只係贏得兩場，得勝率頗低。更何況畢爾包在F組兩勝一和已有七分在手，並領先巴黎聖日耳門及薩爾斯堡三分，若果我係比爾沙嘅話，今場作客和波已經收貨。




再者，畢爾包要贏「地頭蟲」薩爾斯堡亦唔易，話晒薩軍近十仗主場未輸過，韌力十足，所以加輝認為薩爾斯堡「讓球主勝」及受讓平半嘅下盤都值得支持。