紐卡素不敗強勢嗒拖肥

猪拉多纳

05/11/2011
文： 車車

現時英超點只BIG 4咁簡單，好多隊都湧緊上嚟，真係可以造成威脅架！其中一隊就係曼城。呢支曼市球隊真係一年好過一年，今年仲講到明要攞聯賽冠軍！另一隊今季要畀個LIKE佢嘅，咪就係紐卡素囉！你又點估得到開季到依家保持不敗嘅唔係BIG 4，居然會係佢同曼城？！




曼城今晚尾輪出場，作客昆士柏流浪。至於打頭陣嘅就係另一隊「不敗之師」紐卡素主場對愛華頓（有線200及300台周六晚8時45分直播）。雖然往績唔利紐卡素，之但係今季佢哋真係脫胎換骨，開季成績係近十年最好。除咗英超，加埋聯賽盃暫時錄得十三場不敗，當中主場和過熱刺同阿仙奴；丹巴巴亞更兩度喺聯賽大演帽子戲法，狀態一流。今場紐卡素有主場之利，而喺下一場作客惡鬥曼城之前，當然希望先嗒「拖肥糖」，增添不敗數據，進一步提升士氣。


對愛華頓博「讓球和」


至於愛華頓，近五場聯賽只贏一場，但呢五場對嘅全部係強隊，簡直係魔鬼賽程，其中包括車路士、曼聯、利物浦同曼城都好惡頂吓喎！所以我認為紐卡素主場強勢冇得頂，「拖肥糖」亦都唔差，預計「喜鵲」係小勝格，博好分頭嘅「讓球和」。


車車推介：


紐卡素 　對　愛華頓




讓球主客和：和




「車車」在1998世界盃至今已成「資深球迷」，2001年起在電台主持年輕人節目，2005年起主持電台足球節目，2010年底加入球彩台，主持《球彩俱樂部》及《球盤龍門陣》，並參與每周足球賽事直播。

phone波熱線：1831 678

電郵：soccer64@cabletv.com.hk

開放時間：「超級星期六」晚上9:00至深夜2:30