全北狙擊「K聯賽公敵」艾薩德

猪拉多纳

05/11/2011
文： 九叔

亞冠盃今日喺南韓全州世界盃競技場爆發決戰！佔據主場地利嘅全北汽車，唔單止要為150萬美元冠軍獎金搏殺，更加要為韓國足球名譽而戰，被視為「K聯賽公敵」嘅卡塔爾球隊艾薩德呢勻有難嘞，雖然足智彩要全北讓1/1.5球，1.88倍上盤依然抵博。




（now670台周六晚6:00直播）




自從4強首回合水原藍翼同艾薩德開大片後，南韓球圈就瀰漫住一股反中東嘅氣氛，當地唔少媒體响賽前大做文章，既批評亞洲足協判罰不公，冇嚴懲艾薩德參與打鬥嘅尼安同卡達基達，只係重罰水原，仲不斷散播一種陰謀論，話全北今次捧盃嘅話，就會創造K球隊亞冠盃3連霸嘅紀錄，偏偏亞洲足協唔想畀韓國人威晒，所以球證話唔定會吹死全北，令呢支韓職冠軍冇法子繼09年嘅浦項制鐵、10年嘅城南一和之後，再一次幫南韓贏得亞冠盃喎。


李正秀決定離開艾薩德


响呢種輿論攻勢底下，艾薩德已經變咗「K聯賽公敵」，今日作客全州唔畀4萬幾主場球迷噓爆就奇，恐怕連執法球證都會腳震，呢點對佢哋尤其不利。而且艾薩德個南韓中堅李正秀，因為對水原一戰同隊友反面之後，已經萌生去意，近期盛傳佢打埋今場就會去日職或者返韓國，事實艾薩德今場敢唔敢用佢都幾成問題，萬一佢玩嘢咪等於踢少個？


「中東殺手」李東國復操


全北汽車其實形勢唔多理想，趙成煥、路夫列停賽，前後各少一件主將，今屆响亞冠盃省入9球嘅李東國一直小腿有傷，陣容唔多完整。但係全北始終有地利，巴西兵伊連奴、路易斯甚至新星徐訂晉都好弗，以剩低嘅人腳都夠同艾薩德鍊過。何況李東國係咪咁傷呢？外人冇辦法知道，九叔淨係知佢已經復操嘞，呢件「中東殺手」隨時出現o架，水原個教頭尹成考賽前夠膽預測全北贏到2:0，可能就知道啲嘢，而且足智彩又開到個主W鬼咁熱，今日仲可能要踢雨戰，博吓全北大開殺戒無妨。


全北汽車 Vs 艾薩德


菠菜公司 主勝 和 客勝

足智彩 1.32倍 4.40倍 7.25倍

Bet365 1.45倍 3.20倍 6.00倍

bwin 1.42倍 3.20倍 6.25倍

菠菜公司 主勝 和 客勝

Ladbrokes 1.30倍 3.50倍 8.00倍

Paddy Power 1.40倍 3.00倍 6.00倍

平均賠率 1.43倍 3.96倍 6.70倍

決賽賽制：

決賽以1場決勝負，若兩隊於90分鐘賽和，需要加時30分鐘，假如仍未能分勝負，則互射12碼決定冠軍。

橫數千軍

全北淘汰賽旺大

‧今屆淘汰賽階段5戰全部開出入球大。

‧對上9場有5勝4和。

艾薩德半場慢熱

‧近7場得1次半場領先，其餘4次打和、2次落後。

‧最近4場得1次保持不失。