急先鋒利華搶半場W

猪拉多纳

05/11/2011
文： 自由恒

一個林志堅，令大家都對漢堡有份莫名嘅親切感，但查實呢隊德甲老牌勁旅近況雖略見回勇，但比賽初段表現仍然唔多集中，今晚德甲尾場作客利華古遜，筆者會博2倍主隊半場W。




（有線61、64、201及204周日凌晨1:30直播）


漢堡比賽初段慌失失


自上手領隊奧寧離任之後，漢堡近7場波只係輸過1仗，但其實咁多場都係先失波，近3場波仲劃一半場輸0:1，雖然之後往往有唔錯嘅後勁，絕對適合喺半場後追「下一隊入球」，但買定先嘅朋友，博漢堡半場輸波絕對係上算。




利華古遜近期表現都唔係好，歐聯啱啱輸波，近6場聯賽都只係贏得2仗，即使面對榜下游嘅漢堡，博全場W都唔係一個好選擇，好彩佢哋喺聯賽都算係急先鋒，近4場德甲有3場半場贏1:0，上周作客弗賴堡，波歷克2分鐘就有波入，要爭取半場領先唔難。




足球重心：利華古遜（半場勝）




馬膽推介：1場2 鄉村活力

上場初出跑1000米初段唔快，末段都可以後上收韁贏馬，姿態有餘未盡，今仗增程1200米排好檔會仲好跑，篤定連捷。