羅希燕卡係女版安治

猪拉多纳

06/11/2011
文： 法比加輝

女子歐聯在剛過去一周踢完十六強首回合比賽，被加輝視為黑馬嘅俄羅斯球會羅希燕卡順利大勝，出線八強機會高唱入雲。




加輝之所以對羅希燕卡有期望，主要因為一個錢字，我會形容羅希燕卡為「女版安治」，球會老細大把錢肯科水招兵買馬，目的就係要稱霸歐洲，揚名立萬。


三大巴西正選國腳加盟


羅希燕卡今季最大收購必定係羅致了巴西三位正選國腳，法比安娜、艾蓮妮同姬絲蒂安妮，若然早前有睇女子世盃的話，應該唔會對佢哋陌生。尤其係「球后」瑪達個好拍檔姬絲蒂安妮，佢有能力去改寫戰局，配合埋一眾俄羅斯國腳，今季絕對有力挑戰里昂及法蘭克福等強隊。




　格蘭納達讓唔起桑坦德




推介方面，加輝提供CF格蘭納達主場對桑坦德畀大家，主隊雖然上場爆冷贏西維爾，但戰果難反映戰情，唔好太過高估呢支升班馬，建議捧受讓嘅桑坦德。




（now 632及660周日晚11時直播）