朗斯未執掂難讓色當

猪拉多纳

07/11/2011
文： ComboKing

周二凌晨有三場歐洲乙組賽事舉行，其中一場係法乙朗斯主場對色當。今季朗斯成績麻麻，經過十幾場賽事後都仍然位列下游，呢班波真係有排都未搞得掂，本輪聯賽朗斯讓平半唔穩陣，色當受讓可取下盤。




（周二凌晨3時30分開賽）


法蘭克福作客嚟料


朗斯自從九月中贏過布羅尼之後，至今從未贏過兼入球量極少，狀態差得緊要。而最可怕係聯賽主勝率竟不足三成，今場仲要讓波就一定唔睇好。色當今季演出穩定，聯賽作客只輸過一場，受讓當然要吼實。查實色當目標就係升上甲組，今場遇弱隊定必把握機會，進一步向前列球隊施壓。




另外荷乙方面，奧斯主場對多德勒支，不妨吼實細盤。雖然話荷乙賽事入球數字偏高，但留意到雙方近幾次對賽，入波都係一球起、兩球止，相信今場大手交易可能性較低。最後德乙奧厄主場鬥法蘭克福，客W可高度留意，法蘭克福係德乙客勝率最高球隊，之前兩鬥奧厄皆以兩球或以上差距勝出。法蘭克福有靚績支持，今可投以信心一票。