車士打菲特 燦美爾鬥入波

猪拉多纳

09/11/2011
文： 朱楓

今晚英格蘭聯賽錦標16強上演獨戲腳，由車士打菲特主場對燦美爾。兩隊近況都麻麻，但勝在都有一定入球能力，與其估邊隊贏，朱楓覺得1.77倍入球大仲抵博！




（開賽時間：周四凌晨3:45）




今季先升上英甲嘅車士打菲特，上場主場對住榜尾嘅伊奧維都被逼和，賽後領隊舒列頓對未能終止不勝走勢大嘆冇運。其實車士打近期表現唔錯，特別係前線，連續7場都有波入，衰在後防不穩，已經連續10場失波，上場對伊奧維雖然有啱啱由紐卡素外借嘅蘇達保把關，但仍然照失2球，睇得出防線有極大問題。


燦美爾前線火力勁


早前4連勝嘅燦美爾，上場主場被高車士打逼和0:0，但其實喺比賽中有多個獲判12碼嘅機會，失分真係有啲欠運。雖然燦美爾今場繼續有由愛華頓外借嘅前鋒荷西巴斯達停賽，好彩佢拍檔泰耶基近況大勇，對上4場勁入3球，今晚對住出名防守曳嘅車士打菲特，絕對有本錢合演入球騷。