葡萄牙U21搶分大無畏

猪拉多纳

10/11/2011
文： 法比加輝

另一場U21歐國盃外圍賽，有第6組葡萄牙U21主場對摩爾多瓦U21。葡萄牙在今屆外圍賽出閘脫腳，頭三輪賽事只係攞得四分，出線形勢告急，故今場主場對弱旅實在冇失分空間。摩爾多瓦已證實係「極上魚腩」，料葡軍大炒可期，大細中位數去到3.5球，照捧入球大。


（有線155台周五凌晨5時直播）


由於U21歐國盃外圍賽只有每組首名先能夠肯定出線附加賽，所以葡萄牙嘅形勢都非常牙煙，葡軍首三戰一勝一和一負僅得四分，現時分別落後俄羅斯五分及波蘭三分，要搶首名無疑已有點困難。因此，在弱旅身上可謂再冇失分空間，而且領隊雷佐治更希望今回能大勝一場，打番起班兵嘅鬥志，數日後強勢作客阿爾巴利亞。

摩爾多瓦魚腩送上門

事實上葡軍要大勝應該唔難，皆因摩爾多瓦今屆三戰皆北，而且已失咗十二球，平均一場失四球。球隊上場喺主場對俄羅斯毫無招架之力下淨吞六蛋，主場都搞成咁，作客可能輸得更慘烈，所以加輝認為葡萄牙可以狂數對手，一於捧大盤。