愛爾蘭作客細力插沙

猪拉多纳

11/11/2011
文： 樂比堅尼

另一場歐國附上演「雙愛」大戰，由愛沙尼亞主場對愛爾蘭。愛爾蘭已近十年未打入過大賽決賽周，今次抽得靚籤對實力平庸嘅愛沙尼亞，係「綠軍」翻身好機會，但話晒今場係首回合，經驗豐富嘅愛爾蘭領隊查帕東尼唔會太進取，樂比仔建議捧愛爾蘭讓平半嘅上盤及細盤。（now 633周六凌晨3時45分直播）


愛爾蘭八八年首次打入歐國盃決賽周後，先後於九○、九四及○二年殺入世界盃決賽周，呢段時間係愛爾蘭足球歷史上嘅高峰，但自此之後，愛爾蘭無以為繼，過去十年可謂一片空白，難得今次半隻腳踩入決賽周，球隊嘅士氣可謂前所未有咁高昂！


其實愛爾蘭近年表現唔差，但外圍賽總編喺強隊林立嘅小組，今次附加賽抽中實力最弱嘅愛沙尼亞，可以話連個天都幫佢，今仗所有主將如羅比堅尼、杜夫等全部入選，堪稱近年最齊腳一次。

愛沙尼亞欺善怕惡

樂比仔對愛沙尼亞嘅印象，仍停留喺十一年前來港友賽港隊，當時愛沙尼亞贏二比一，香港入波嘅係剛入籍嘅基保，不過喺呢十年裏面，愛沙尼亞可用進步神速嚟形容，但留意佢哋勝仗多數來自三、四線球隊，外圍賽更曾不敵法羅群島，今年對住實力稍強嘅土耳其、烏拉圭、智利全部慘敗收場！