黑山硬淨半場頂住捷克

猪拉多纳

11/11/2011
文： 麥馬拿仁

捷克主場惡鬥黑山係另一場歐國盃附加賽首回合戲碼。計經驗捷克較佳，但仍用路斯基同巴路士做攻擊主力，球隊青黃不接得緊要。黑山歷史上從未打入國際大賽決賽周，今仗作客必死守，捷克粗枝大葉缺強攻本錢，今場「半場和」同細盤都好路！（now 631周六凌晨3時15分直播）


自尼維特、真高拿退役後，捷克高峰期已過，目前仍倚重路斯基於中場發電、巴路士於前線攻堅，攻力於歐洲只屬二、三線，全隊以門將施治最具級數。事實上，施治上仗聯賽整傷鼻子，路斯基感染傷寒，而巴路士小腿亦有微傷，三人均不在最佳狀態，對捷克爭勝造成障礙。

「半場和」「入球細」雙投

雖然捷克近況較黑山為佳，但主W熱到得1.62倍極唔抵買。事實上兩軍實力半斤八両，黑山比對手更有活力，以球隊於外圍賽兩鬥強敵英格蘭都不敗，就睇到呢支年輕球隊心理質素極佳，而且好有紀律，唔會於今戰腳軟。現時黑山陣營冇傷冇病，兩大主力祖記前鋒胡仙歷同費倫嘅祖維迪狀態均佳，今戰有力保不敗。黑山面對生死戰首回合，必定大打穩陣波，捷克面對死守球隊板斧唔多，相信開出半場和機會好高，同時細盤亦可兼顧。