意大利殘陣照踢好波

猪拉多纳

11/11/2011

除咗烏克蘭，另一支歐國盃決賽周合辦國波蘭主場鬥意大利（周六凌晨3時45分開賽），意軍今次前線有多名主力缺陣，但意國球評人Achilles認為該國前線人才輩出，球隊經過2010世盃後評級被外界低估，今仗作客可以擊敗實力唔強嘅波蘭。


意軍今仗攻擊線有基奧斯比羅斯、卡斯辛奴、迪拿達利同基奧雲高等缺陣，但Achilles認為，効力曼城嘅巴洛迪利至係目前意軍最強武器，配合大勇嘅祖雲達斯前鋒馬特尼殺傷力依然，領隊柏蘭迪利鍾意選擇更多同隊球員落場，祖雲達斯派路、馬治斯奧加上前祖記成員阿古蘭尼組成嘅中場線更有默契，而且對待熱身賽態度認真，贏過德國同西班牙絕唔簡單，二流球隊波蘭唔係佢哋對手。