智利趕走醉酒佬 烏拉圭主勝有着數

猪拉多纳

11/11/2011
文： 查理阿蛋

聽朝世界盃外圍賽有烏拉圭主場迎戰智利，小妹要1.55倍主勝！事關客軍雖然有阿歷斯山齊士復出，但係就有5位主力球員因為醉酒遲到，齊齊被罰執包袱返屋企，醜死人。薄弱陣容面對主場火力十足嘅烏拉圭，點贏先？


（開賽時間：周六早上6:00）

智利逐5主力出隊

當地傳媒指，嗰5個球員參加完佐治華迪維亞個女嘅受浸儀式之後，齊齊飲醉酒，搞到遲咗返酒店，呢幾位球員全部都有番咁上下分量，除咗佐治華迪維亞本人，仲有中場核心維達爾、干沙路查拉、卡路士卡莫拿同埋包爾斯亞，難怪領隊保格希激到出煙，趕晒佢哋返屋企：「佢哋嘅行為相當唔專業，亦唔配踢智利國家隊……成個教練團都覺得好Hurt！」


呢5個球員將無緣嚟緊2場世盃外，雖然保格希補選咗5位嚟自智利聯賽嘅球員，亦難免令陣容大為削弱。烏拉圭今仗雖然缺少神射手科蘭，但係仍然有星級戰將蘇亞雷斯同卡雲尼壓陣，加埋烏拉圭喺主場球迷熱情支持下，火力特強，贏波冇問題！