阿根廷4尖刀開殺戒

猪拉多纳

11/11/2011
文： 朱楓

仲記得上屆世盃外圍賽，阿根廷曾作客慘敗畀玻利維亞。今晚呢對歡喜冤家又會喺世界盃南美洲區外圍賽碰頭。為報一箭之仇，阿根廷領隊沙貝拉徵召咗歐洲四大聯賽四把尖刀入伍，就算今場開「-2」，1.8倍「讓球主勝」又點可以錯過？（有線61及201周六凌晨4:00直播）


阿根廷上輪作客竟以0:1不敵委內瑞拉，為重拾士氣同面子，領隊沙貝拉喺嚟緊對玻利維亞同哥倫比亞當然唔敢怠慢，徵召多名海外主力歸隊。雖然皇馬翼鋒迪馬利亞因大腿受傷證實要抖1個月，不過阿根廷今次大軍仍有今季喺歐洲四大聯賽四名Top gun壓陣，包括巴塞前鋒美斯（14球）、曼城前鋒阿古路（9球）、聖日耳門中場柏斯托尼（6球），以及阿特蘭大前鋒丹尼斯（7球），配合獲重召嘅加高同拿維斯，主場出擊邊可能再甩拖？

玻利維亞今非昔比

一向靠高原主場搶分嘅玻利維亞，喺上屆世界盃外圍賽曾經主場大炒阿根廷6:1，可惜當時一班老臣子，之後都慢慢淡出國家隊，喺今屆世界盃外圍賽兩連敗，主場對哥倫比亞都要輸1:2，連主場威力都冇埋，今晚仲要作客出擊，唔輸「其他」已經行運！