松風愈來愈多飛

猪拉多纳

　　今次信心最勁嘅，莫過於尾場「金鎸龍華」，W賣到1.7倍，完全冇價講，值得信任。相反，頭場嘅大熱門就奇奇怪怪，竟然落喺隻近都未近過嘅「小飛俠」身上，係信韋達定信隻馬落班贏晒？不得而知。

　　講開怪飛馬，第四場「松風」要多加留意，事關呢匹馬噚日一度得9倍W。如果有留意開呢匹馬，就知冰封三尺，非一日之寒。事關佢近三仗最後賠率其實愈來愈進步，季內初出83倍，結果得十二名，正常；前仗落至44倍開跑，名次近啲有第九；上仗更進一步，開跑時得39倍，結果跑第六。按道理，今次飛數咁狼，應該再近啲先啱，信佢。

　　騎師王吼潘頓

　　騎師王方面，五位騎師喺10倍以內，韋達有2.25倍，太好分唔多似得。反觀潘頓七匹坐騎敢賣7倍，應該有料到。

周仲