馬主論戰

猪拉多纳

健康精英捧得過

　　今日係我位得力助手Suzan Fong嘅生日，我響度祝佢生日快樂！希望佢再幫我開多啲賽馬機，哈哈！講番賽事，推介第二場「健康精英」，近兩場跑直路賽都上名，反映戰鬥力唔差，今次轉嚟谷草對手減弱，應該可以贏番一場。

　　另外要吼實第六場「友瑩果」，在港三戰獲冠亞季各一，擺明係高質分子，上場已經證明谷戰都合發揮，今次再跑窄場用埋韋達操刀，贏得。

張敬山

馬主光輝穩連捷

　　今季沈集成真係犀利，剛戰更加中三元兼贏夠數上岸，表現真係唔講得笑。今晚沈廐出四隻，我鍾意尾場「馬主光輝」，上場贏得相當輕鬆，五歲馬肯定仲有分在手，繼續跑拿手路程1800米，連捷在望。

　　另外推介第四場「金財子」，上場放得太急，結果大敗而回；今次換黎海榮操刀，兼抽得一檔起步，應該有唔同表現，隨時可以嚟個大變身，值得吼實。

任達華

不老英雄四班惡

　　剛啱韋達同柏寶嘅坐騎輸晒，反而潘頓就大發神威，賭馬要跟紅頂白，今次一於吼實佢啲坐騎。頭場「光芒四射」就好啱心水，上場響泥地一哩跑第三，證明狀態返咗嚟，今次一定要吼實。

　　另外鍾意第五場「不老英雄」，雖然近兩場都輸畀「康駿」，但已經證明響四班分量十足，今次強手已去，係時候坐正。

寇鴻萍、梁廷鏘