私家路隔夜飛硬淨

猪拉多纳

　　噚晚睇飛發現咗樣特別嘢，難得跑谷草賽事，除咗第七場飛數唔係集中喺一隻馬上，其他七場都搵到重心，相信大熱門應該穩陣。

　　另外，尾場有隻新勝馬將會面對重重考驗，但隔晚賠率卻信心十足，嗰匹正是「私家路」。佢今次由贏馬騎師安國倫換成郭立基，又增程至1800米，加埋升班壓力，其實真係有P都算叻。偏偏有人睇好佢，票數完全唔冷落，W曾賣至7倍，同大熱門「財駿福星」嘅5倍相比，唔差得好遠，最令人鼓舞嘅係連P都有人吼，一度落至2倍左右，既然信心十足，冇理由唔跟番一注。

　　韋達騎師王一枝獨秀

　　騎師王方面，唔知係唔係韋達要贏馬補祝生日，騎足八場得1.9倍咁辣，賠率最近嘅柏寶都只係5倍，相信威脅唔到。如果真係唔鍾意買熱，又可以試吓其他騎師，事關18倍算有飛。

周仲