苗禮德砌雄心威龍

猪拉多纳

　　周日沙田上演十場草地賽，有三項錦標為十二月國際賽前哨戰，戲碼甚強，當中大摩替旗下馬踴躍報名。

　　若數到較矚目的戰馬，首推報爭馬會一哩錦標之「軍事攻略」，近日此駒獲白德民器重，親自替其連踱多課，昨朝則由副練羅富全出踱。課後白德民與波士大摩在機坪猛睇馬，且討論了甚長時間，動靜絕不簡單。上仗「軍事攻略」出爭沙田錦標，臨門一步被「加州萬里」追越有點欠運，今次做足工夫再臨有決心一拼。

　　至於「雄心威龍」自苗禮德接手之後，九戰取得八場頭馬，成績超卓，今番搵回紀仁安出策，上季人馬四度合作全勝，默契毋庸置疑。昨朝此駒被安排在內圈踱步，課後苗氏夫婦在機坪一齊觀察馬兒，見練者多番打量，並且落手落腳檢查馬腳及探呼吸量體溫，動作多多，對此匹鎮倉寶極為緊張，應可再贏一仗。

韋柏