回港客串多人撐 紀仁安3W應份

猪拉多纳

　　今日沙田賽事，唔只得年青好手紀仁安嚟客串，其實高雅志亦一樣，不過，前者以相當高調姿態回來，事關由法國來港客串1天，胯下共9匹坐騎，係得第二場冇馬跑，真係未跑已贏盡聲勢；而志叔坐騎數量就差得遠嘞！僅獲「加州財子」和「威利旺旺」兩匹馬，不過，多馬騎只係代表贏馬機會較多，並唔代表一定有W到手。

　　但話分兩頭，紀仁安上季來港客串成績理想，今次返嚟獲得多個馬房大力支持，手上多好馬，有W落袋係最低要求，贏到幾多場先及格？依個人睇法，冇得兩三場，肯定係「肥佬」。

　　今期佢手上熱門而有實力嘅的確唔少，好似第三場「錦衣衛」、第八場「雄心威龍」及第九場「幸運金龍」，已經係叫緊胡嘅馬，其實都仲未數埋「幸運來」、「富高勝」，呢批有近績嘅坐騎。

　　上述3叫胡馬中，最定檔應該係「雄心威龍」，1400米可以贏到玩敵咁款，轉到強項1600米，邊搵到對手呀！而插班即勝嘅「幸運金龍」，上季新馬賽贏1400米，今季由短跑起，升班才加程，睇到老苗唔心急，呢場或會更勁。最後一提「錦衣衛」，初出輸畀「名馬」，係進度唔夠，跑過1場後，點都有幫助，而對手唔比上賽強，有望補中。

Jack