風動寶穩位望贏

猪拉多纳

　　賭錢最忌拗頸，故此已連續五個賽日有馬贏的潘頓，今次縱使只得四匹坐騎亦不能睇小；既然此子今季騎姚廐谷草參賽馬的成績甚佳，計落要優先留意列陣第四場四班1200米的「風動寶」。

　　據賽績顯示，潘頓乃「風動寶」的最佳拍檔，人馬至今合作五次得一勝三位，上名率達八成認真合拍；此駒今季頭兩仗均由黎海榮執韁，首戰於田草直路賽負於「危險大軍」及「太陽好好」跑第三，接戰原庄配搭再跑同程，最終落後頭馬「鄉村活力」兩個多馬位跑第四，陣上「風動寶」曾向外斜跑，賽後黎海榮更被競賽董事小組譴責。

　　上仗「風動寶」回配潘頓及轉戰谷草1200米，排得一檔起步形勢有利，難怪閘前賠率愈賣愈熱，顯然有心搏殺，可惜出閘緩慢下僅追回一席第二，負於公認超班的「夢幻魔術」兩個半馬位。這次牠續配潘頓再跑同程，排二檔形勢跟上仗相若，只要起步順利，坐位望贏應該可做到，最適合做四連環重心。配腳推介今戰均排內檔起步的「超勝」、「幸運紀錄」、「飛快威」及「勁卒過河」。

歐陽志恆