馬主論戰

猪拉多纳

南陽望族四班惡

　　今晚韋達手執惡馬，我睇好佢有馬贏，最啱心水係第三場「南陽望族」。

　　上場「南陽望族」末段衝得唔係好順，返嚟都只係輸少少畀「白蹄烏」跑第二，證明響四班惡氣十足，今次繼續由韋達操刀，應該可以順利贏番一仗。

　　另一匹要留意嘅馬係第六場「但求勝」，在港四戰三入Q，未能贏馬只係差啲運氣，今次排內檔起步，形勢比上仗好得多，應該係時候坐正。

張敬山

沈集成洪福齊來

　　沈集成今季搏殺手風好順，剛戰更憑「小橋流水」贏埋馬會短途錦標，雖然今晚佢只派三駒上陣，但都有留意價值。推介第六場「洪福齊來」，上場同「夢幻十一」鬥到叮噹馬頭，彈甩其餘對手好遠，反映實力唔簡單，轉嚟谷草上陣可添食。

　　另外鍾意第四場「好香港」，埋門一直由沈集成同白德民輪流摸實，備戰可謂一絲不苟，台型十足嘅三歲馬，一出隨時掃晒。

任達華

清風駒謀交代

　　安國倫剛啱憑「威威加瑪」同「喜相逢」起孖，演出真係神勇，今晚一於吼實佢手馬。鍾意第二場「清風駒」，來港至今仲未交代，相信幕後都已經心急，今場一定鍊盡。

　　另一匹要留意嘅馬係「金鑛龍華」，呢隻馬情況同「清風駒」有啲相似，又係來港後未贏過，不過上季曾壓倒「童夢」入Q，計賽績唔輸蝕，值得吼實。

寇鴻萍、梁廷鏘