分享又食頭圍

猪拉多纳

今晚快活谷賽事跑C欄C+3彎，路窄彎急，檔位是爭勝關鍵，呂健威四匹參戰馬全抽好檔，正是季內暫時只得2W的練者爭勝最佳時機，當中威哥尤其睇好頭場八歲老馬「分享」。
       
分享（圖4號）上季首戰即贏谷1000，弱馬蓄銳一擊威力最強。

「分享」一向體質較弱不耐拚，蓄銳一擊最適合，上季此駒正是初出一役即贏，翌仗仍跑第二，之後再未立寸功。今次孱仔馬作季內首次出賽，即揀三捷路程谷草1000米，有心瞄準頭圍再起筷。呂健威說：「『分享』雖年屆八歲，但保養得宜，經暑期休養生息後身形變壯，對此匹單薄馬而言絕對是好事，只是鑑於早前進度未足，加上缺乏擅跑路程可供報名，故一直未有上陣。今次終於等到五班谷1000，三捷此程之老馬可謂駕輕就熟，兼且幸運地抽得二檔，大大有利此匹宜守好位之馬發揮。」
       
輕輕鬆鬆一檔慳位

另外威哥對第五場同樣抽得一檔的「輕輕鬆鬆」亦感樂觀，他續說：「『輕輕鬆鬆』現時評分有利，連仗跑得接近，只欠一點形勢造就。今重返唯一勝途谷草1200米，抽一檔可貼內欄慳位上，正有助爭取佳績。」