齊喝采磅輕着數

猪拉多纳

　　第九場第一班1650米泥地。「齊喝采」上季贏完三班賽，翌仗跳上一班（105分上限）再跑一樣入位，當時兩賽相隔日子又係同今場差唔多（負磅及評分以今次為低），搏得就搏嘅概念又可能實現？！不過，稍有出入嘅地方係呢次之前操練略有唔同，比起上季同期稍稍放緩，希望冇影響進度太多。

　　對上1期泥地賽，因之前曾進行翻土工程，當日場地狀況係有得追，「萬人迷」直路喺好後而最終有Q，已經係好好指標，隔咗1周又會點？真係好難講，但如果唔會完全反轉晒，加上，今場幾多前置馬，多多少少對「齊喝采」發揮有利。另外，同場幾匹實力馬，相繼要讓佢十幾磅或以上，如果直路大家鬥衝，佢只負110磅，點都有着數。

　　第十場第三班1800米泥地。「勁飛馳」喺上手馬房好少打叠好（3季裏僅1次），轉到伍廐又如何？如果根據此廐季內成績，好有機會打破「傳統」！近似情況如「勁有盈」吧。

　　至於此駒上仗忽然返嚟，究竟係之前未夠跑頭？定係狀態不足？真係唔多理解，但計評分，去季可在80分攞兩P，目前唔應該有壓力，建議追多場。

馬會賽馬節目主持　洪禮賢