洪禮賢講馬：歡欣星飛躍之駒勁信心聚豪精英 新強勁福到多多精算拍檔神勇馬車

猪拉多纳

　　今日6泥4草賽事，薛廐固然有唔少泥地好馬上陣，睇嚟又係大手出擊嘅先兆。而較後場次，蔡廐出賽馬亦幾堅。

　　
　　騎師王形勢，除了韋達之外，郭立基及巫斯義手上同樣有唔少具實力坐騎，呢三位騎師要高度注視。

重心場次　第3場　第四班（60-40分）1200米泥地

　　「歡欣星」連續兩仗追得不錯，尤其前仗初跑泥地，喺同程後上入P，如果尾段唔係發揮及際遇稍差，應該有Q；今場之中，幾多前領馬，如果場地唔係不利追，形勢對佢幾好。

　　一對前置馬「勁信心」及「飛躍之駒」，好位本來幾好機會，惜因應形勢，未必好跑，拖腳唔反對。「聚豪精英」跑完1場谷草外檔賽事，又返番泥地，變身唔係奇。再數落去，揀得上手已是「勁快」、「華劍寶」等。

第1場　第五班（40-0分）1650米泥地

　　「兵奇臨」唔係慢閘，上場縮程都應該有Q，證明目前喺「方」，回到一哩，威力當回復十足。「大紅人」前仗做得嘢，落場跑就平平，上場轉到一哩即有表現，反映健康好番唔只係得個「外殼」，不過，今仗12檔預咗蝕。

　　「天寶之威」反正後追，大外檔唔多怕。「乘風破浪」一哩冇1800米咁好，勝在好位及例有一段追勁。此外，「光芒四射」和「雙妙星」，也可加入考慮。

第2場　第四班（60-40分） 1000米草地

　　「綻放美麗」初出之前進度未夠好，但最終入到圍，手上虛分作怪，按理年輕馬一經熱身，進展可以幾大。

　　幾匹初出馬，如「小宇宙」、「香港至尊」、「勁威小子」，進度暫以前駒最理想。「鄉村活力」上場之敗咎由自取，完全唔關實力問題，換人希望攞位醒啲。「鼓浪春風」剛仗入P水準有待證明。

　　「綻放美麗」初出之前進度未夠好，但最終入到圍，手上虛分作怪，按理年輕馬一經熱身，進展可以幾大。

　　幾匹初出馬，如「小宇宙」、「香港至尊」、「勁威小子」，進度暫以前駒最理想。「鄉村活力」上場之敗咎由自取，完全唔關實力問題，換人希望攞位醒啲。「鼓浪春風」剛仗入P水準有待證明。

第4場　第四班（60-40分） 1650米泥地

　　「新強勁」季內已獲1W2Q，7歲馬老來嬌，如非重磅拖累，仍是一線好手。「福到多多」跑正常泥地，應會比上季尾嘅濕泥更啱佢。

　　「精算拍檔」遇上1場少馬走場合，有埋2檔，放得順，或有P。「神勇馬車」季初泥地1200米沿路外叠一樣輸近，按理轉到一哩會有更好發揮。「稻庭烏冬」及「好食德」，唔係排中外檔，會拖一注。

第5場　第三班（80-60分） 1400米草地

　　「快利多」上場唔係慢閘及塞車，應該有第二，而本身近況企穩，只係擔心如步速唔快，佢就比較難發揮。「永勝多」食緊老本，所以，成日跑得近而冇位置。

　　「光輝出擊」加程至1400米，其實已沒有把握，係睇吓轉馬房第2仗仲有冇突破，事關上賽追得唔錯。「超群名駒」及「黃金褭蹄」，TF腳可考慮。

第6場　第四班（60-40分） 1400米草地

　　「鋼志」回到此程第2仗，交出能力或比上賽更強，希望末段追得切。「精彩遊戲」跑至第3仗，預期能力又會再升級。

　　「大喜象」喺直路一直側住個頭，仍後上入圍，剛仗季軍唔係冇水準，如加面箍幫到手，有權贏。「銀飛龍」、「神聖駒」可爭欠穩。「安瑪」加程未必唔係好事，不過，經常三三四四而走勢成日冇威脅，拖腳較好。

第7場　第三班（85-60分） 1200米泥地

　　「點石成金」總覺加程至會好，不過，今場對手有限，應該夠用有餘。「太陽昇」三班下風，問題係今場有根據之馬唔多，恃輕磅可能起到作用。

　　「歡歡樂樂」喺個幾月內，工夫不停做，唔係排外檔，可博W。「名人」轉場地，對手比上仗田草略低，希望賺到。「三和之星」10月曾腳痛，點都有陰影。「活力名寶」又係同一問題。

第8場　第三班（80-60分） 1000米草地

　　「勁闖駒」及「翡翠明星」，前駒勝在直路賽準繩，分數則差唔多摸頂；後駒初出即勝，贏馬姿態易，四升三班唔會有阻力。

　　「喜盈門」跑線有利，或可跑出最佳水準。「首飾達寶」回到此程，唔係排內檔，處境與前仗大不同。

　　「尚駿心」要幾匹主要對手跑得唔好，先至有機會跑到入前列。

第9場　第一班（105-80分） 1650米泥地

　　「齊喝采」負107磅，喺今場唔會冇得爭，而上季又係贏完三班後跳上一班入三甲（俱為此程），睇手法有心再搏。「軍事行動」重磅、外檔，兩大負面條件，唔會對發揮冇影響，但級數高要拖埋。

　　「戶外名駒」如果有泥地，以級數而言，機會不下於前兩駒。「好得意」係擔心前置跑法喺今場不利。「經典皇牌」如果場地有得追，佢有機會好似前仗咁爆到上嚟。

第10場　第三班（80-60分） 1800米泥地

　　「勁飛馳」一旦重上軌道，目前分數唔係冇得贏。「財駿福星」當打，此程又唔會應付唔到，未斷纜前，未敢放棄。

　　「非常好」及「財運」，齊齊排內檔，或遇到1個幾好形勢。「穿針引線」目標早放喺今場，可惜大外檔難跑。「馬主光輝」要博場地性能，同埋，對手唔易啃。「聖迪達」再加程難應付。

馬會賽馬節目主持　洪禮賢