飛躍之駒應棍補中

猪拉多纳

上場跑谷草短途加罩失手嘅「飛躍之駒」，尋日重返勝途泥地1200米兼除配件，即刻收復失地，馬主馬嘉駒固然開心，不過佢爹哋馬林枝就顯得更加興奮！
  
飛躍之駒掟開亞軍馬歡欣星兩乘多，開出8.5倍大熱Ｑ。


馬林枝重注單Ｑ得手


事關馬林枝賽前知道賀賢對隻「歡欣星」信心十足，於是重注一萬蚊買「飛躍之駒」搭「歡欣星」呢條單Ｑ，就係咁收番八萬幾蚊，中得應棍！馬林枝透露，兩匹擺喺賀賢嘅家族馬「飛躍之旅」同「飛躍之鋒」，已部署好喺12月14日及27日上陣，實行乘勝追擊。
  
馬氏家族名利雙收，零舍高興！




至於徐雨石對「飛躍之駒」大熱取勝亦感到雀躍，佢話今場贏亞軍兩個多馬位，姿態比預期中輕鬆，好可能係調整跑法、早段稍留嘅轉變，「飛躍之駒」下場升上三班，石哥話憑輕磅之利，仍有機會執多場頭馬。