帝豪名駒值得再追 值得再追

猪拉多纳

　　第六場三班1650米。今仗唔少賽駒各有缺點，由於互無把握，7歲「玉峽生輝」已經係睇得上眼嘅馬之一。前仗泥地一哩，曾建議博一博此駒，結果直路大好形勢之下，衝落只殿軍，的確係失望。但睇佢上場短時間內縮落去跑1200米，沿路唔係點賺腳程，尾段一樣追得唔錯，至少證明到目前唔係冇「方」，以及評分唔係吃緊。

　　今仗轉到一哩，路程性能掹掹緊，要留放上完全配合，先至有機會應付到，好在抽到李慕華及排7檔，唔應該會出現亂跑嘅可能性。當然，夠唔夠贏真係兩睇，如果賠率合理，可博1W2P。

　　第七場三班1650米。「帝豪名駒」連續3場由韋達策騎，跑得最好係大前仗，之後兩役皆有挑剔地方，隻馬成績退步，佢要負上多少責任。今仗落入戴圖理手上，應有正面影響，又如果明晚場地偏慢的話，贏面唔細。

　　以佢之前贏同程水準，末段話過就話「千江映月」、「邦先生」，冇錯，場地變化係主因，要知道，二三名馬之後攞咗3W1P，絕對係高水準三班頭馬，按理喺分數7字頭，尤其依家仍在狀態，唔會冇得再W。

馬會賽馬節目主持