京城精英W得

猪拉多纳

　　今晚賽事採用A欄，近兩期後上馬有發揮機會，呢條跑道嚟到季中冇咁大偏差，唔係一味利放。4場騎師賽，阿棟就寧願避一避，有得睇世界級高手獻技係好事，但投X係另一回事。

　　第一場五班1200米。「京城精英」今季跑至第2仗即有表現，在此程後上跑入第四名，唔係直路人馬唔多夾，應該會有P，不過，證明此馬真係有分在手。今仗再向同程進軍，如果卓利發揮上比上場有所進步，喺A欄會更加好衝，有力出頭。

　　第二場四班1200米。「東方駿馬」連續兩仗跑得好，谷草1000米後追不及，上賽跑長200米便勝出，睇得到加程後威力仲勁，呢次133磅係有壓力，不過，馬弗人強，希望頂埋今場！

　　第五場三班1200米。「夢幻魔術」啱啱漏閘輸咗，但有得退飛，馬會喺呢方面做得好啱。而講到隻馬之前贏嗰場，姿態輕鬆，造出時間又快，四升三班唔應該會下風，排埋好位預咗佢會賺，只要唔係出閘有乜冬瓜豆腐，跑出本身水準至少有三甲。

點買法

　　由於「東方駿馬」及「夢幻魔術」賠率過熱，但唔係冇風險，倒不如博一博頭場「京城精英」WP，而重心場合亦揀埋頭場，希望可以攞頭威。

資深評馬人　陳華棟