都爾緊張時尚吉祥

猪拉多纳

　　法國猛人紀仁安將客串至二月中，令歐洲騎師勢力大增，實有留意此系騎師之必要；其中英國騎師都爾近季成績雖中規中矩，但論騎功絕不遜色，剛戰策告廐「時尚風采」出爭香港短途錦標亦爆冷殺入Q腳，盡顯功架。

　　近朝所見，都爾除替告、華兩廐操馬外，現時苗禮德亦常邀他為旗下馬考驗，故此勿過於輕視其坐騎。今晚谷中夜賽，都爾共策四駒上陣，不無贏馬機會。出爭第三場四班1800米的「時尚吉祥」，雖然在港四戰全負，但上仗出爭同程，僅以三個多馬位落後頭馬「不老英雄」，已展現一定的競爭力。復課後，此駒幾課快跳均由都爾一手包辦，足見騎者重視，上周一彈閘此駒更走來有聲有色，狀態已有一定水準。今番再開上戰陣，隨時可殺個措手不及，成冷勿忘。

　　至於出爭第七場三班1650米的「威仔皇」，近朝由助手策往內圈加課時，均見都爾與梁定華在機坪咬耳仔，看來有決心一拼。此駒季內兩度入Q，但仍未贏馬交代，今次抽排內檔起步，馬房求功心切必然盡拼，有吼實必要。

韋柏