捉金質高穩補中

猪拉多纳

　　明日列陣頭場五班1000米的華廐馬「不老精英」，近日已操起了狀態，馬房中人對牠十分睇好，謂今戰有可勝之機，三甲一席應走不脫。

　　「不老精英」季內跑過一仗，出爭谷草1000米短途，後上有走勢。拼後加強操練，今次移師沙田作賽，應較合其後上腳法。昨朝收操之後，梁定華更與梁家俊一同返馬房睇帶，使他對此駒的走勢有多些了解。現時「不老精英」成熟已足，躁火收斂，應是坐二望一之材。同場對手中，最大勁敵應是賀廐「飛躍之鋒」，此駒近況不俗，後追力強，亦有爭雄之力。

　　伍碧權馬房方面，列陣第二場四班1200米的「捉金」亦有搏殺消息傳出，此駒上仗初出已有好走勢，僅以個多馬位不敵「太陽好好」得第二，足證潛質甚高。今番再來鄭雨滇亦唔放手，足見重視，幕後戰意明朗，再跑上名路程，可期贏馬補中。

梁杰