|
|
今日係2012年第一天，希望大家可以順利攞頭彩。正如前文所言，元旦好少會爆到亂晒籠，博冷唔係咁合時宜。
至於草地採用A+3欄，冇大偏差之餘，後上馬仲有唔錯成績，不過，普遍中內檔會比較着數。
「甜將」此程能贏「勁飛寶」，以佢級數跑group實冇問題。由於贏開有態，今場形勢亦好跑，應可保持上佳表現。「讚惑」上季此程曾與「川河勁駒」鬥過，終於加程及除眼罩，未必係副車。
「川河勁駒」及「締造美麗」，卡士高晒，只係狀態唔喺高峰。「傾力之城」對上兩仗時好時壞，問題係出於今場「雅雪」，如果後駒唔搶，畀佢自己領放，或放入一席。
「人人興旺」冇輕磅跑1400米，未必交出最佳水準。「甜橙」和「金鎸龍華」，可取係磅輕，級數則唔多夠。
「新三刀王」五班中程有晒級數，4檔又易守好位，條件四正。「駿威煌」近兩仗演繹手法完全唔同，至會有唔同結果，攞住前仗四班此程殿軍賽績，喺今場夠用。
「團隊福星」揀完再揀，隔紗後可能重現真身。「塑料勁」縮程有幫助，希望8檔不會又走大外叠，倘處境較理想，機會不下於前幾駒。「齊鼓掌」如留得好，佢段後勁唔簡單，12檔則好睇際遇。
「呼風喚雨」輸畀兩W「喜相逢」，仲要係拋甩後列對手，賽績硬淨，如頂到第3仗，具冠軍相。「神箭金剛」馬老能力略退，但評分已佔利，賽前又唔係冇做嘢，場地如利追，佢會有得衝。
「暖在心頭」睇往績時間表，仲係差一兩場跑頭，不過，又係分利一族。「森林活泉」只要直路唔係因內閃騎唔到，論級數最高係佢。再揀配腳會係「朗天」及「步如飛」。
「綻放美麗」1場比1場追勁強，確認從中學到嘢，有明顯進步，當然，目前走規未係好熟，轉程略有隱憂，好在有1檔幫忙。「感恩」暫時跑短會較合性能，肯放的話，有權帶返。
「孫子赤兔」初出表現與預期不符，要博熱身後進步幾多？！「童夢」有過1場重新適應，跑番1200米，隨時返嚟。餘下可揀可能已數到路程嫌短「履皇朝」，以及未定性的「御龍神駒」。
「勝利旋峰」兩個幾月休戰期，操練根本冇停過，特登儲夠體力和新鮮感至出賽，交得出前仗贏「夢幻魔術」能力，如放得出，對手直路唔易追。
「勁卒過河」與「翡翠明星」，前駒連搏兩場及負重，體力或流失較多，機會略打折扣，但轉場問題不大。後駒回到四班，對手唔同晒，提升級數。「快樂無窮」追足3場，未免令氣力用多咗，不過，降班跑贏卡士。「深智能業」剛賽輸直路頭被擠壓，此類走規欠穩定之馬，少少意外已有巨大影響，敗績勿太在意。
「太陽好好」此程會比短途仲啱，由於有個幾月重新補充體力，預期可喼到穩定演出。「神聖駒」與「精彩遊戲」，剛敗俱有藉口原諒（前駒外叠蝕，後駒有痰），對質新馬可再畀機會。
「幸運來」冇乜分在手，係跑路程性能、輕磅及檔好。「大快人心」上場入P輸得幾遠，要再證明多啲，先可確立水準。「大喜象」及「大旋風」，演出飄忽，限於邊線配腳。
「共同目標」中短途能力在班內值中上級，而今賽前有番足夠休息期，寄望交出之前入圍水準。「翔龍」加磅後未必有番上賽威力，只宜作腳。
「銀飛龍」大致上冇藉口，唯一係加程存在變數。「京城三寶」回一回，唔排除又現真身，只因前仗贏馬具說服力。
「風火飛駒」大閘有考驗過，反應則未算滿意。
「頭盤」好檔、路合，加埋對手唔叻，已足夠條例爭勝。「火熱動感」及「印度光輝」，前駒經常追唔切，再唔係就後勁唔貫注，成熱唔值博W，拖腳唔反對；後駒好講形勢，4檔希望守到靚位。「爪皇豪火」上賽有貼，但估唔到跑法完全扭轉，不過，贏完加分少，仍可追。
「靚好聲」及「佳景良駒」，前駒有傷患底，後駒季內演出多數失望，只納於邊線。
「名舵主」與「勁力」，1隻連贏兩場同程，另1隻轉馬房不久即有表現，皆有冠軍相。
「夢幻十一」上場早段被撞可能有好大影響，但今次11檔不免早段多耗力，形勢比前兩駒略差。「金鑽龍華」前仗跑得好哋哋，上場唔知點解差到一步都冇，唯有抹去剛敗賽績。
「精奇」由前仗僅輸畀「紅山茶」，再到上場輕勝，反映現時進度已超出三班層面，如不怕負重，有權再W。「滿地金」一直認為唔係冇料，上賽之敗明顯係直路三番四次冇位所致，轉程畀埋最後機會。
「大衛精神」近期大閘末段湧住上，加上，又有轉倉概念，值得睇好。「陽光普照」四升三班要視乎進度，不過，本身跑法卻經常賺到形勢。
「陽明飛飛」連勝3場，對手場場埋唔到身，除非今次14檔攞位錯到暈，若不，可保不敗。
「天外之天」太輕磅，上二班一樣唔怕，何況，轉戰此程仲好。「皇龍戰駒」依然有近仗形勢，正路腳。「喜蓮標緻」與「何方神聖」，前駒泥轉草，要考驗；後駒已接連失望，限於冷敲。
|
|
金睛卡
发表于 2012-1-1 11:25
变色卡
显身卡