成手惡馬列陣 方嘉柏搏殺格

猪拉多纳

　　練馬師方嘉柏，今季谷草成績唔算叻，跑咗幾個月，只係交出7場頭馬，上名率唔夠30%，勝出率更加係個位數，與近年谷草霸王嘅形象略有出入，但唔知係咪未發力關係，不過，今期賽事佢有6駒上陣，半數以上馬匹都喺啱啱喺對上一場賽事上名或勝出，有晒近績支持，攞手咁嘅馬出嚟，呢晚仲唔係有心連場出擊。

　　方廐6駒之中，剛仗成績最唔好已經係「聚有盈」，上場只得梗頸四，其他5匹廐侶，之前1場唔贏都有P，好似「雄姿儷影」、「十足十」及「閃耀小子」等，既有近績撐腰，信心點都大啲。

　　先講「雄姿儷影」，一轉馬房已經入P，之後兩場轉跑此程，成績1場比1場好，到了上場更打開勝利之門，贏馬過程輕易，時間亦唔錯，證明到轉馬房後威力大大升級，回升四班可能都夠殺。

　　「十足十」及「閃耀小子」，同樣係機會馬之一，前駒四班一向係班頂高手，上季起嘅賽績已經凸顯呢點，話唔定降班第2仗先係真波。後駒初上一哩返嚟輸小小，真係唔簡單，轉程後繼續增值，希望今場會仲叻。

Jack