喜發龍初出有人愛

猪拉多纳

        韋達停完賽復出，飛數唔多唔少搵到重心，就好似「傲男」同「飛燕」，隔晚獨贏2倍都冇，彷彿係蔡神仙送兩場頭馬賀佢復出咁，做膽最穩陣。
        
        怪飛馬喺頭場四班1200米搵，事關呢場冇一匹馬喺今季贏過，夠晒亂，最好信飛數。呢場大熱門曾落喺「盈豐快駒」，相信係睇準佢上場喺田草1000米跑入亞軍，但講還講，隔晚W始終徘徊喺4倍上下，信心唔係猛，倒不如試吓有飛嘅新馬，博一鳴驚人。「喜發龍」呢匹初出馬，一度成為此場次熱門，獨贏5.6倍，相信背後已有投X者吼實。呢匹馬試過兩課閘，雖然三甲不入，但拉士都湧住上，加上同父馬「夢仙」同「樂韻悠揚」初出均入三甲，「喜發龍」應該有料到，信佢﹗
        
        安國倫騎師王落飛
        
        騎師王方面，未夠七點，賠率已有變動，主要係安國倫有飛到，5倍變4倍，試吓佢好。周仲