復出坐騎實力唔弱 柏寶友機會威番次

猪拉多纳

　　韋達做唔做得成12屆冠軍騎師？九成九蟬聯到！話晒目前贏了43場頭馬，差不多係次席白神父嘅一倍，冇事冇幹的話，各人平均咁增長，追佢真係辛苦過追巴士！但經常做到二哥嘅柏寶，今季就冇韋達咁穩定，仲可以話成績倒退、成日孭鑊，現時更跌出前五名。

　　之前柏寶因停賽關係，梗會影響成績，但原來未停賽之前，佢已經連食4期白果！對上贏馬已經係14/12「按一按」。期間熱門輸唔少，連P亦不保嘅熱門，數量唔係小。

　　柏寶可否於復出首日力挽頹勢，學吓韋達執兩W，人比人，比死人，咁樣比較好唔公平，但佢總算有啲運仔，無啦啦多咗兩匹後備補出坐騎，至少多兩個機會贏馬先。

　　以佢手上幾匹馬，「威水福星」及「友瑩果」可能係最有冠軍相，機會較其餘5駒為佳。「威水福星」初出此程一放到底，贏到「魅力影子」、「快馬當先」甩晒，之後兩場輸晒就唔關實力事，立心做足準備再戰，憑1檔或可帶到。「友瑩果」之前三班賽績優秀，斷唔會得1W收工，今場未必冇得同「勁卒過河」鬥過。

Jack