龍年勁贏晒 韋達繼續精彩

猪拉多纳

韋達貴為十一屆冠軍，年年賀歲賽扮財神，連續十四載喺大年初三贏馬，去年就憑「財運」與「新希望」兩匹意頭馬梅開二度，向馬迷大派利是。
  
精彩日子以不敗之身衝擊賀年盃，韋達信心爆棚。





送兔迎龍，作為本地馬圈嘅「龍」頭大哥，
  
韋達




年初三韋達繼續手握重兵，當中戲肉之一賀年盃，佢胯下嘅「精彩日子」最受矚目，呢匹在港三戰全勝之蔡廐星級馬，雖然合共加39分，但韋達曾喺個人網誌透露「精彩日子」層次逐步攀升，最好一面尚未浮現，即使今仗初跑一班，依然有權四連捷。
  
蔡約翰

陽明飛飛一哩有保證


初三韋達其餘坐騎亦分量十足，例如角逐香港經典一哩賽嘅「陽明飛飛」，三戰田草千六米未逢敵手，一哩實力有保證，「龍」頭大哥隨時一口氣掃走兩大錦標。
  
徐子珊（左起）、關菊英及麥玲玲，擔任賀歲賽表演嘉賓及風水顧問。




另一匹餐士馬「勁贏晒」，最近已養回健康，四歲分子當日毅然轉倉，幕後自然希望取得更大成就，最終目標直指三月嘅香港打吡，就算趕搭唔切大賽尾班車，今仗遇上三班對手，相信大可予取予攜。