龍年第一條馬房Q

猪拉多纳

薛達志近期倚重安國倫搏殺，昨日呢對騎練組合又有佳作，喺第四場四班二千米贏出「好球」，而薛廐同場另一駒「高友勁」仲係後備補上跑埋第二，成功包辦龍年第一條馬房連贏。
  
好球（右）與高友勁串二十倍馬房Ｑ。


好球高友勁綠格得手


「好球」搭「高友勁」條Q臨場着綠格打到落二十倍，絕對唔似意外之作，睇怕幕後應該都可以過個「暖笠笠」嘅肥年。
  
薛達志




其實光頭佬一向鬥志如虹，出擊不分正副，今季初至憑「金瑞」同「新強勁」包過Q，尋日話口未完又開多條，功力認真唔講得笑。薛達志賽後話「好球」係遲熟馬，最近愈來愈進步，希望遲下再有機會爭功。