威威多星千元巨冷W

猪拉多纳

踏入龍年天氣突然轉冷，估唔到尋日嘅田草賽事都係一樣。尾場幾匹熱門馬飛數均勻，已知形勢兇險，結果果然爆出柏廐巨冷「威威多星」。其實小方今季已經有爆冷前科，開鑼贏嘅「勝利福星」亦係過千蚊Ｗ，反映佢鬥志真係一流，無論冷熱一樣照拚。
  
威威多星配郭能爆出過千元冷Ｗ。


方嘉柏最冷頭馬


方嘉柏賽後話隻「威威多星」早前內出血，不過已經康復操番靚，諗住應該有啲冷門機會，估唔到竟然有過千分頭，成為柏廐歷來最冷頭馬，佢又讚郭能發揮出色，希望周三晚「閃耀小子」同「開心動力」可以繼續擦出火花。