南陽望族三班惡

猪拉多纳

　　近期谷草B欄賽事，往往利外叠冚，總之，被動跑法唔蝕底！至於今期又會否一樣？落唔落雨係關鍵所在。

　　第六場三班1800米。「軍花」季初兩場獲WQ後，連跑兩場表現好差，其實唔使太介意，總之，上賽重新有走勢，又有唔同計法。

　　雖然，上賽1400米頭三段幾慢，佢跑到P都冇，唔覺叻得去邊！？但本身跑田草1400米明顯嫌短，加上，可能係狀態啱啱返嚟，如果咁睇，佢上場得殿軍已經收貨。今次返回此程，之前跑一次即入Q，倘若今場係早段慢鬥慢，畀佢泊到好位順跟，有權走得甩。

　　第七場三班1650米。「南陽望族」唔係撞正聽晚落雨的話，喺三班真係惡得交關，事實上，佢已經直落5場跑入前兩名，近績準成咁，真真正正變了一匹鐵馬。呢次又唔係唞得唔夠，又唔係工序上有甩漏，又唔係賽事形勢不利，總之，喺正常場地上陣，必屬前列分子。

馬會賽馬節目主持　洪禮賢