喜蓮芳芬換人惹飛

猪拉多纳

　　以前星期六跑馬，大熱門通常係冇咩根據嘅馬，但今次唔同，十場竟然有五匹大熱門係新勝馬，賽果應該唔會太離譜。

　　怪飛馬方面，揀咗近期旺人高伯新嘅「喜蓮芳芬」，呢匹馬今年四歲，目標應該係指向打吡啦，話說佢上次在港初出，揀咗田草1400米施展功夫，雖然名次得第八，輸五個馬位畀「精彩日子」，但對一匹最後賠率有68倍嘅冷馬嚟講，已經算係唔錯。或者因為「喜蓮芳芬」喺英國嗰三場頭馬都喺1400米攞番嚟，所以高伯新呢鋪冇幫佢轉程，繼續跑強項，仲決定搵同鄉巫斯義幫手。呢個部署，換嚟嘅係大注飛數，呢匹馬隔晚一度得7倍，同上仗完全係兩回事，大變身真係唔奇。

　　柏寶騎師王賠率跌

　　騎師王其實真係亂局，但係柏寶嘅賠率噚晚由6.5倍跌到5.5倍，睇嚟空穴來風，未必無因，一於捧佢。

周仲