二月期期有马赢 苏狄雄保持祥胜

猪拉多纳

　　骑师苏狄雄目前赢了16场头马，成绩位处中游，而佢喺2月份表现出众，跑了4期赛事，期期有马赢，虽然比唔上韦达赢得咁多、咁频密，但亦可称得上係2月之星。

　　有时手风嘅嘢，真係要信吓，好似早排杨明纶，毕业後赢马赢到嘭嘭声，身手好、坐骑够实力係主要原因，但冇运仔的话，可能坐骑排位唔好，或者比赛时遇阻窒等等，直接影响到成绩。所以，啲骑师当旺之时，好多时搏杀真係得心应手。

　　苏狄雄今期手握6匹坐骑，有冇可能突破近期日行一善？头马希望喺边啲马身上？笔者认为唔係冇机会，而中後场次那批马较有实力，像「威力高」、「魅力星」及「祥胜爱驹」。

　　「威力高」减分多时，落到四班跑场1800米先，唔多啱发挥之下，末段唔係冇份衝，试準後即返回正宗嘅一哩路程，今场似真波。而「魅力星」今季演出幾準，可能评分冇乜优势，希望地利、路合和档好，有助争胜。最後一提「祥胜爱驹」，新胜再临，加磅不多，且C栏2档也有利发挥。

　　Jack