雪米糍档靓W得

猪拉多纳

今期採用谷草C栏C+3弯作赛，内档马始终有天然优势，呢点唔可以唔理 ！ 所以，睇到阿栋各场拣马胆，都係倾向拣中内档马，唔係话外档一定冇行，不过，赛道模式係咁，千祈唔可以当冇件事。此外，今晚普莱西有唔少实力坐骑，而佢喺骑师王係冷门，啱心水可以玩吓。

　　第四场四班1650米。「雪米糍」跑完谷草1200米，再转战一哩，名次冇变过，都係得殿军，但如果唔係外档影响发挥，成绩应该更上一层楼。事实上，刚赛唔係转直路迫於抄出大外档衝刺，点会冇位置，但另一方面，初次角逐一哩只係输少少返嚟，真係有啲料子。今次终於排番次好位，只要处理及处境上比前理想，坐位望赢。

　　第五场四班1650米。「喜发龙」初出入Q，输畀「电子福星」，後驹再出仍上名。而上场改攻1400米，一样跑到第二，克服到加程及沿路走外叠问题，算係有点本事。而睇佢阵上表现，的确有进步，至少上赛跑姿冇初出咁「生」。如果今仗再进步小小，喺四班点会有阻力，当然，亦要博佢一哩路程应付到先得，希望凭1档之利，可事半功倍。

　　第六场叁班1200米。「铁胆龙」热完身一场即刻唔同晒，唔知係热身後嘅功效，抑或转场地及加程嘅帮助？！总之，今场路程冇变，加磅又唔多，基本条件与上赛无大差异。而更重要係姚本辉新胜马，再出跑同一路程，记忆中成日可打叠好，所以，值得追宝尾。