巧合情节 小注尝试

猪拉多纳

　　具规律性嘅数据，係由不断重覆嘅事件累积，之後慢慢咁继续伸延，愈係够基数的话，愈係有可靠性，不过，呢个只係大方向，並唔係签咗合同一定持续咁发生，久唔久可能会「爆摊」。

　　情况等於从前谷草B栏，排内档及前中置马，必然着数，呢种优势本已维持咗好多年，但去到今季，呢个情况幾乎扭转晒。所以，有时试吓转膊，就算唔能够增加投X胜算，至少减低出错机会。

　　然而赛马玩乐，未必完全由既定法则箍住．有时会杀出啲唔使解释、又唔可以唔信嘅趋势。举个例子，喺11/1谷草夜赛，由第四场开始「南阳望族」，一直由7号马赢。事後睇番，可能会讲：「唓，大部分头马都係热门实力马，有咩咁奇啫？！」如果乜都喺赛後至去解释，根本变咗有早知冇乞儿！

　　韦达郭能连场齐上名

　　又好似啱啱嘅赛事，韦达与郭能连场齐齐喺叁甲，叁T场合冇佢两个冇钱收，虽然话当中嘅「浦东之威」、「铁胆龙」、「劲飞扬」等驹，统统係世界马胆咁滞，可能你与我，喺赛前早已认定呢批马实有叁甲，唔会感到稀奇，不过，韦郭二人连场拍拖更返嚟，又有幾多人真係完全喺预计之内？！故此，偶尔有啲单日趋向，小注试试又何妨。

马会赛马节目主持 洪礼贤